श्रीरामानुजाचार्य स्वामीको सम्झनामा हेटौडामा बालियो दिप
२६ बैशाख,हेटौंडा । जगद्गुरु श्रीरामानुजाचार्य स्वामीजीको १००४ औं जन्मोत्सवको अवसरमा श्रीवैष्णव युवा परिषद् मकवानपुरको आयोजनामा ३ नम्बर प्रदेशको राजधानी हेटौंडा नगरीको मुख्य बजार वुद्धचोकमा आज सांझ दीप प्रज्जवलन गरिएको छ । लक्ष्मी नारायण मन्दिरका मठाधिस रामानुज वाग्लेले दिप प्रज्जवलन गरेर कार्यक्रमको उद्घाटन गर्नुभएको थियो । कार्यक्रममा बोल्दै रामानुज वाग्ले जगद्गुरु श्रीरामानुजाचार्य स्वामीजीको जन्म जयन्ति यसरी मनाउन पाउनु सम्पुर्ण बैष्णव समुदायको लागि ऐतिहासीक अवसर रहेको बताए । कार्यक्रममा श्रीवैष्णव परिषद्, महिला परिषद्, युवा परिषद्का पदाधिकारी, साधारण सदस्य,ॐ कार परिवार, सनातन धर्माबलम्बी भक्तजनहरुको बाक्लो उपस्थिती रहेको थियो ।
