काङ्ग्रेसले गर्यो ३ नम्बर प्रदेशको संसद अवरुद्ध

३० बैशाख,हेटौाडा । प्रमुख प्रतिपक्षी दल नेपाली काङ्ग्रेसले ३ नम्बर प्रदेश सभा अवरुद्ध गरेको छ ।
काङ्ग्रेसले प्रदेशको राजधानी र नामकरणको विषय संसदमा नआएपछि संसद अवरुद्ध गरेको हो । राजधानी र नामाकरणको विषय नटुङ्ग्याए सम्म संसद चल्न नदिने भन्दै नेपाली काङ्ग्रेसले ३ नम्बर प्रदेश सभा अवरुद्ध पारेको छ ।

दलका नेताहरूले शुभकामना मन्तव्य व्यक्त गरेपछि संसद अवरुद्ध भएको हो । यस अघि हिउँदे अधिवेशनमा राजधानीको विषयले प्रवेश पाउने भनियता पनि प्रवेश नपाउँदा प्रमुख प्रतिपक्षी दल आक्रामक बनेको हो ।  सभामुख सानुकुमार श्रेष्ठले नेपाली कांग्रेसले संसद अवरुद्ध गरेपछिपछि भोली ११ बजे सम्मको लागि संसद बैठक स्थगित भएको जानकारी गराएका छन् ।