हेटौँडामा केहिदिनबाट तरकारीको भाउ बढ्यो ,उपभोक्ता मारमा
हेटौँडा,१ जेठ । हेटौँडामा तरकारी भाउ एकाएक बढेको छ । जथाभावी मुल्यबृद्धि हुँदा आम उपभोक्ता मारमा परेका छन् । पछिल्लो केहिदिनबाट एकाएक तरकारीको भाउँमा अत्याधिक बृद्धि हुँदा आम उपभोक्ता मारमा परेका हुन् । आजकल एक सय रुपैँया बोकेर गयो भने एक छाकलाई समेत तरकारी आउँदैन, घर चलाउनै समस्या भैसक्यो ः हेटौँडा उपमहानगरपालिका वडा नंबर ४ मा डेरा गरि बस्ने सविता कार्कीले भनिन् ।
हेटौँडाका स्थायी बसोबास गर्ने तथा यहा अध्ययनको कोठा भाडामा बस्ने विद्यार्थीहरु बढ्दो तरकारीको मुल्यले थप मारमा परेका छन् । मकवानपुर बहुमुखी क्याम्पसमा विविएस अध्ययन गर्ने अमित ढकालले तरकारी महंगो हुँदा निकै समस्या भएको बताए । आज बिहान तरकारी बजारमा भेटिएका ढकालले जुनसुैकै तरकारीको मुल्य सोधदा समेत किन्न सकिने मुल्य नभएको बताए ।
