देउवा उपचारका लागि सिंगापुर प्रस्थान
२०७६ जेठ ०९ । नेपाली कांग्रेसका सभापति शेरबहादुर देउवा स्वास्थ्य उपचारका लागि सिंगापुर उडेका छन् । लामो समयदेखि पेटको समस्या खेप्दै आएका देउवा थप उपचारका लागि बुधबार राति सिंगापुर उडेका उनको सचिवालयले जनाएको छ । देउवासँग पत्नी आरजु राणा पनि सिंगापुर यात्रामा छिन् ।
सभापति देउवाले सिंगापुरस्थित माउण्ट एलिजावेथ अस्पतालमा पेटको उपचार गराउने कांग्रेस केन्द्रीय कार्यालयले जनाएको छ । देउवालाई खाना अपच हुने लगायत पेटका विभिन्न समस्या दोहोरिएपछि थप उपचारका लागि सिंगापुर गएका हुन् । उनी जेठ १३ गते स्वदेश फर्कने कार्यक्रम रहेको छ ।
