प्रधानमन्त्री कप क्रिकेटमा प्रदेश ३ को पहिलो जित
१३, २०७६ हेटौँडा । तेस्रो संस्करणकोे प्रधानमन्त्री राष्ट्रिय एक दिवसीय क्रिकेट प्रतियोगिता अन्तर्गत आफ्नो दोस्रो खेलमा प्रदेश ३ ले जित निकालेको छ । सोमबार भएको खेलमा प्रदेश ५ लाई ४ विकेटले पराजित गर्दै तेस्रो संस्करणको प्रधानमन्त्री कपमा पहिलो जित निकालेको हो । प्रदेश ३ पहिलो खेलमा एपीएफसँग ४१ पराजित भएको थियो ।
मूलपानी क्रिकेट मैदानमा भएको खेलमा टस जितेर पहिले ब्याटिङ गरेको प्रदेश ५ ले ४२ ओभरमा अल आउट हुँदै १ सय २२ रन बनायो । प्रदेश ५ ले दिएको १ सय २३ रनको सामान्य लक्ष्य पछ्याएको प्रदेश ३ ले २१ ओभर ५ बलमा लक्ष्य पूरा गरेको हो । प्रदेश ३ का लागि रित गौतम र रोविन जोशीले ७२ रनको साझेदारी गर्दै उत्कृष्ट शुरुवात गरेका थिए । २९ बल खेलेका रितले ३७ र ४१ बल खेलेका रोविनले ३५ रनको योगदान गरे । त्यस्तै इशान पाण्डेले २१ रन जोड्दा आदिल खानले १२ रन बनाए । बलिङतर्फ प्रदेश ५ का शिदान्त शाही र अनिल खरेलले समान दुई दुई विकेट लिए ।
