विश्वकप क्रिकेट – आज इंग्ल्यान्ड र पाकिस्तान खेल्दै
२० जेष्ठ,२०७६ । १२ औं संस्करणको आईसीसी एकदिवसीय विश्वकप क्रिकेट अन्तगर्त आज (सोमबार) घरेलु टोली इंग्ल्याण्ड र पाकिस्तान बीच खेल हुँदैछ । नेपाली समय अनुसार दिउँसो सवा ३ बजे यो खेल सुरु हुनेछ । पहिलो खेलमा जित हात पारेको इंग्ल्याण्ड उच्च मनोबलका साथ मैदान उत्रने छ । पहिलो खेलमा पराजित भएको पाकिस्तान जितको खोजीमा छ । उद्घाटन खेलमा इंग्ल्याण्डले दक्षिण अफ्रिकालाई पराजित गरेको थियो भने पाकिस्तान वेष्ट इण्डिजसँग हारेको थियो । विश्वकपका लागि पाकिस्तानी टिममा सर्फराज अहमद ९कप्तान०, फखर जमान, इमाम उल हक, बाबर आजम, हरिस सोहेल, मोहम्मद हफिज, सोहेब मलिक, आसिफ अलि, इमाद वासिम, सादब खान, मोहम्मद आमिर, मोहम्मद हसनाइन, हसन अलि, वाहव रियाज, साहिन शा अफ्रिदि जस्ता खेलाडी छन् । यता इंग्ल्याण्डमा इओइन मोर्गन (कप्तान), जोनी बैरस्टोव, टोम कुरान, लियाम प्लुंकेट, जोइ रुट, बेन स्टोक्स, क्रिस वोकस, मोइन अली, जोस बुटलर, आदिल रशिद, जासन रोय, मार्क वोड, जोफ्रा आर्चर, जेम्स भिन्स र लियाम डवसन जस्ता खेलाडी छन्।
