मकवानपुर प्रहरीलाई साईकल हस्तान्तरण
जेष्ठ २४,हेंटौडा । जिल्ला प्रहरी कार्यालय मकवानपुरलाई मकवानपुर सुन चाँदी व्यवसायी संघ मकवानपुरले साईकल हस्तान्तरण गरेको छ । मकवानपुरमा भईरहेका अपराधिक गतिविधिलाई रोक्नमा सहयोग पुग्ने उद्धेश्यका साथ ६ वटा साइकल र हेल्मेट जिल्ला प्रहरी कार्यालय मकवानपुरका एसपी मुकेश कुमार सिंहलाइ हस्तान्तरण गरिएको हो । प्रहरीलाइ अपाराधिक गतिबिधिमा न्युनिकरण गर्नका लागि सहज बनाउन आफ्नो संंघको तर्फबाट सानो सहयोग गर्ने अवसर मिलेकोमा मकवानपुर सुन चाँदी व्यवसायी संघका अध्यक्ष ज्योति रत्न बज्रचार्यले खुशी व्यक्त गरेका थिए ।
त्यस्तै गरि मकवानपुर उद्योग बाणिज्य सघका अध्यक्ष कृष्ण कटुवालले यो एकदमै राम्रो काम भएकोले यस्ता कामले मकवानपुरमा गस्ती गर्न अझ सहज हुनुका साथै आम नागरीक र प्रहरीमा मित्रता देखिने बताए। मकवानपुरमा अपराधिक घटना न्युनिकरणका लागि सहज हुने बताउदै साइकल हस्तान्तरण गरेकोमा मकवानपुर सुनचादी व्यवसायी संघलाई एसपी सिंहले आभार व्यक्त गरे। साईकल हस्तान्तरण कार्यक्रममा मकवानपुरका सुनचादी व्यवसायीहरुको पनि उपस्थिति थियो ।
