प्रधानमन्त्री ओलीले आइएलओको शतवार्षिकी समारोहलाई सम्बोधन गर्ने
२७ जेठ,हेटौंडा । प्रधानमन्त्री केपी शर्मा ओलीले आज अन्तर्राष्ट्रिय श्रम सङ्गठन (आइएलओ)को शतवार्षिकी समारोहलाई सम्बोधन गर्नुहुने भएको छ । युरोप भ्रमणका क्रममा रहनुभएका प्रधानमन्त्री ओलीले स्वीजरल्याण्डको जेनेभामा आयोजित आइएलओको कार्यक्रमलाई सम्बाधेन गर्नुहुनेभएको हो । यस्तै, सम्बोधन पश्चात् प्रधानमन्त्री ओलीले स्वीस सरकारका वरिष्ठ अधिकारी तथा सम्मेलनमा सहभागी विभिन्न देशका नेतासँग भेटवार्ता गर्नुहुने कार्यक्रम छ । जेनेभाका विभिन्न कार्यक्रमपछि प्रधानमन्त्री ओली आजै संयुक्त अधिराज्य बेलायतको औपचारिक भ्रमणका लागि लण्डनतर्फ प्रस्थान गर्नुहुनेछ ।
हिजो स्वीजरल्याण्ड पुग्नुभएका प्रधानमन्त्रीले जेनेभास्थित नेपाली स्थायी नियोगले आयोजना गरेको कार्यक्रममा सरिक हुनुभएको थियो । त्यस अवसरमा स्वीट्जरल्याण्डमा रहेका नेपाली समुदायसँग प्रधानमन्त्री ओलीले अन्तरक्रिया समेत गर्नुभएको थियो ।
