मकवानपुरको सामरी पुलमा सवारी दुर्घटना ,एकजनाको मृत्यु
जेठ ३०,हेटौंडा । मकवानपुरको भिमफेदी गाउँपालिकाको भैसे सामरी पुल नजिकै गएराती भएको दुर्घटनामा परि एकजनाको मृत्यु भएको छ । कारले मोटरसाइकलाई ठक्कर दिदा नेपाली सेनाका लेस नायकको विवेश तामाङ मृत्यु भएको हो । काठमाडौबाट हेटौँडा तर्फ आउदै गरेको बा ७ च ३८४८ नम्बरको कारले हेटौँडाबाट भैसै तर्फ गइरहेको बा ४१ प ५३८१ नम्बरको मोटरसाइकललाई ठक्कर दिएको थियो । लेस नायक पदमा कार्यरत ३० बर्षीय विवेश तामाङको उपचारका क्रममा गएराती काठमाण्डौमा मृत्यु भएको जिल्ला प्रहरी कार्यालय मकवापनुरका प्रहरी उपरिक्षक मुकेश कुमार सिंहले बताए ।
