मकवानपुरको राक्सिराङमा डोजर पुरिँदा दुई हेल्परको मृत्यु
हेटौंडा, ३० जेष्ठ । मकवानपुरको विकट गाउँपालिका राक्सिराङ गाउँपालिका–८ स्थित थाहा भिरमा बाटो खन्ने क्रममा ढिस्को खस्दा दुई जना डोजरका हेल्परहरुको ज्यान गएको छ । मकवानपुरको राक्सिराङमा गाउँपालिकामा आज दिउँसो सडक खन्ने क्रममा भीरबाट खसेको पहिरो र ढुंगाले पुर्दा डोजरका हेल्परहरुको ज्यान गएको हो । ज्यान जानेमा चितवन शक्तिखोरका सन्दिप श्रेष्ठ र रोशन बुढाथोकी रहेको राक्सिराङ गाउँपालिका ६ का वडाध्यक्ष सिंगलाल चेपाङले जानकारी दिएका छन् ।
