पूर्व-शिक्षामन्त्री धनीराम पौडेलको निधन
हेटौँडा,३१ जेठ । नेकपाका केन्द्रीय सदस्य तथा पूर्व शिक्षामन्त्री धनीराम (डिआर) पौडेलको निधन भएको छ । पौडेलको चितवनमा माडीस्थित निवासमा शुक्रबार बिहान हृदयघातको कारण निधन भएको हो । नेकपाका केन्द्रीय सदस्य विष्णु रिजालले पौडेलको हृदयघातको कारण निधन भएको बताउनु भएको छ । पौडेल नेकपाका अध्यक्ष पुष्पकमल दाहाल प्रधानमन्त्री हुँदा २०७३ साउन ३२ मा शिक्षामन्त्री बनेका थिए । पौडेलको चितवनका बघौडास्थित निवासमा निधन भएको हो । उनको पार्थिव शरीरलाई माढीस्थित अस्पतालमा राखिएको छ । चार दिनअघि मात्रै पौडेल गृह नगर पुग्नु भएको थियो ।
