हेटौंडामा अत्याधिक गर्मी
जेठ,३२,हेटौंडा । केही दिन यता तराइ क्षेत्रमा अत्याधिक मात्रामा बढिरहेको गर्मीको प्रभाव हेटौंडामा पनि परेको छ ।
शनिबार हेटौंडाको तापक्रम ४० डिग्री पुगेको छ । पछिल्लो केहिदिन बाट बढेको गर्मिको कारण यहाका नागरिकहरुको दैनिकीमा समेत परिवर्तन आएको
छ । गर्मि अत्याधिक बढेकोले नियमित कामकाजमा समेत प्रभाव परेको छ । हेटौंडामा शुक्रबार बिहान सामान्य वर्षा भए संगै गर्मी झन बढेको हो ।
मौसम पूर्वानुमान महाशाखा अनुसार शनिबार देशको पुर्वी तथा मध्य भु–भागमा आंशिक देखि सामान्य बदली रहने र पश्चिमी भु–भागमा आंसिक बदलि रहनेछ। पूर्वी तथा मध्य भु–भागका केहि स्थानहरुमा र पश्चिमी भुभागका एक वा दुई स्थानमा मेघ गर्जन तथा हावाहुरी सहित वर्षाको सम्भावना रहेको महाशाखाले जनाएको छ ।
यस्तै शनिबार राति मौसम पूर्वानुमान महाशाखा अनुसार देशको पुर्वी भु–भागमा सामान्य बदली रहि मध्य तथा पश्चिमी पहाडी भु–भागमा आंसिक देखि सामान्य बदलि रहनेछ। पूर्वी तथा मध्य भु–भागका थोरै स्थानहरुमा र पश्चिमी भु–भागका एकदुई स्थानमा मेघ गर्जन सहित वर्षाको सम्भावना रहेको महाशाखाले जनाएको छ ।
