अष्ट्रेलिया र श्रीलंकाको खेल सुरु, अष्ट्रेलिया ब्याटिङ गर्दै
जेठ ३२,एजेन्सी– १२ औँ आईसीसी एकदिवसीय विश्वकप क्रिकेटमा अन्तर्गत अष्ट्रेलिया र श्रीलंकाबीचको खेल सुरु भएको छ। श्रीलंकाले टस जितेर फिल्डिङ रोजेपछि अष्ट्रेलियाले पहिले ब्याटिङ गरिरहेको छ।
जारी विश्वकपमा हालसम्म चार खेल खेलेको अष्ट्रेलिया तीनमा विजयी भएको छ भने एक खेल गुमाएको छ। उसको चार खेलबाट ६ अंक रहेको छ। अष्ट्रेलिया अंकतालिकाको तेस्रो स्थानमा छ।
यस्तै श्रीलंकको चार खेलबाट चार अंक रहेको छ। उसले एक खेलमा जित, एकमा हार र दुईखेल वर्षाका कारण रद्द भएपछि अंक बाँड्न बाध्य भएको थियो। श्रीलंका अंकतालिकाको पाँचौँ स्थानमा छ।
