हेटौंडा उपमहानगरपालिकाले २ अर्ब ८ करोडको बजेट ल्याउँदै
४ असार ,हेटौंडा । हेटौंडा उपमहानगरपालिकाले आउँदो आर्थिक बर्ष २०७६–०७७ का लागि करिब २ अर्ब ८ करोड रुपैयाँको हाराहारीमा बजेट ल्याउने तयारी गरेको छ । यही असार १० गते प्रस्तुत गर्ने नीति तथा कार्यक्रम र बजेट प्रस्तुत समारोहमा २ अर्ब भन्दा बडी रकमको बजेट ल्याउने तयारी गरेको हो । चालु आर्थिक बर्षमा चौथो नगरसभा संसोधन समेत गरी एक अर्ब ८२ करोड रुपैयाँको बजेट ल्याएको थियो । चालु आर्थिक बर्ष भन्दा आउँदो आर्थिक बर्षमा १८ करोड रुपैयाँले उपमहनागरपालिकाको बजेटमा बृद्धी गरेर ल्याउने भएको हो ।
चालु आर्थिक बर्ष भन्दा आउँदो आर्थिक बर्षमा बजेट बृद्धी हुनुमा आन्तरिक आयमा बृद्धी भएको हेटौंडा उपमहानगरपालिकाका मेयर हरिबहादुर महतले बताउनुभयो । आउँदो आर्थिक बर्षमा हेटौंडा अस्पतालका डाक्टर तथा कर्मचारीको तलब सिधै प्रदेश ३ सरकारले खुवाउने भएको छ । त्यो रकम घट्दा पनि हेटौंडाको बजेट भने बढ्ने निस्चित भएको हो । हेटौंडामा कुनैपनि क्षेत्रमा कर बृद्धी नगरीकन करको दायरा मात्र बृद्धी गरिएकाले बजेटमा केही बृद्धी भएको हो । यो रकममा थप घट हुन सक्ने उपमहानगरपालिकाका लेखा अधिकृत मनोज कुमार सुबेदीले बताउनुभयो ।
हेटौंडा उपमहानगरपालिकाले आउँदो आर्थिक बर्षमा नगरका गौरबका योजनाका रुपमा ६ वटा योजनालाई अगाडी सारेको छ । जनप्रतिनिधिका रुपमा चुनाबमा सहभागि हुँदा गरेका प्रतिबद्धता पुरा गर्नका लागि गरिएका घोषणा कार्यान्वयन गर्ने उदेस्यले ६ वटा गौरबका योजनालाई यस आर्थिक बर्षमा अगाडी सारिएको मेयर महतले बताउनुभयो । सबैजसो गौरबका योजना प्रदेश सरकार संगको सहकार्यमा काम गर्न लागिएको हो ।
अधिकांश योजना क्रमागत योजनाका रुपमा काम गर्न लागिएको छ । हेटौंडाको बसटर्मिनल निर्माणमा आउँदो आर्थिक बर्षमा ३ करोड रुपैयाँ छुट्याएर काम गर्न लागिएको छ । त्यसैगरी कर्रा करिडोर निर्माणका लागि आउदो बर्ष नगरको २ करोड रुपैयाँ र प्रदेश सरकारलको समेत रकममा क्रमागत योजनाको काम गरिने मेयर महतले बताउनुभयो । त्यसैगरी बृहत्तर हेटौंडा चक्रपथ निर्माणको काम पनि सुरु गरिने भएको छ । यसका लागि उपमहनागरपालिकाले ३ करोड रुपैयाँ र प्रदेश सरकारले पनि रकम सहयोग गर्ने भएको छ । त्यसैगरी भ्युटावर निर्माण गरिने भएको छ । आउँदो आर्थिक बर्षमा उपमहानगरपालिकाले २ करोड रुपैयाँ सहयोग गर्ने भएको छ । क्रमागत योजना अनुसार काम गर्न लागिएको उहाँले बताउनुभयो ।
यसैगरी चन्द्रोदय माबि हेटौंडा ८ को चौरमा प्याराफिट निर्माण गर्न लागिएको छ । आउँदो आर्थिक बर्षमा एक करोड बजेट छुट्याएर काम गर्न लागिएको हो । यसैगरी हेटौंडामा अटो भिलेज निर्माण गर्नका लागि १ करोड रुपैयाँ छुटेयाइएको छ । यो योजनाका लागि प्रदेश ३ सरकारले पनि सहयोग गर्ने तयारी गरेको छ । हेटौंडामा कृर्षि होलसेल बजारका लागि प्रदेश सरकार संगको सहकार्यमा काम गरिने भएको मेयर महतले बताउनुभयो । प्रदेश सरकारले डिपीआरको काम गर्दै छ । उपमहानगरपालिकाले २ करोड रुपैयाँ कृर्षि बजारका लागि काम गर्न लागिएको लेखा अधिकृत मनोज कुमार सुबेदीले बताउनुभयो ।
