मकवानपुर प्रहरीद्धारा ३२ थान मोबाईल सम्बन्धित धनीलाई बुझाइयो
अषाढ ०५ हेटौंडा । जिल्ला प्रहरी कार्यलय मकवानपुरले हराएको मोबाईल फेला पारी सम्बन्धित धनीलाई बुझाएको छ । विशेष प्रविधिको प्रयोग गरी विभिन्न मितिमा जिल्ला प्रहरी कार्यालय मकवानपुरमा मोबाईल हराएको भनि दिएका निवेदनको सम्बन्धमा उपलब्ध स्रोत साधनको प्रयोग गरी खोजतलास तथा अनुसन्धान गरी विभिन्न कम्पनीका ३२ थान मोबाईल फेला पारी सम्बन्धित धनीलाई बुझाइएको प्रहरी कार्यलयले जनाएको छ । जिल्ला प्रहरी कार्यलय मकवानपुुरले विगत ५ महिनामा ८३ थान मोवाईल फेला पारी सम्बन्धित धनिलाई बुझाएको जनाएको छ ।
