मकवानपुरको भिमफेदीमा सुमो दुर्घटना हुदा ८ जना घाईते
२३ असार, हेटौंडा । मकवानपुरको भिमफेदी गाउँपालिका–१ सुन्दरीमाइमा सुमो दुर्घटना भएको छ । सोमबार भएको यात्रुवाहक सुमो दुर्घटनामा परी ८ जना घाईते भएका छन् । घाईते हुनेहरुमा रौतहटको ईशनाथ नगरपालिका बस्ने ६५ वर्षीय रामएकल साह, सिन्धुलीको हरिहर गाउँपालिका–७ बस्ने १८ वर्षीय कान्छो बोम्जन र उनका दाई २० वर्षीय सिरज बोम्जन, सिन्धुपाल्चोकको सेलाङ गाउँपालिका बस्ने ४३ वर्षीय ममता लुईटेल, सर्लाहीको लालबन्दी नगरपालिका बस्ने ५० वर्षीय मानबहादुर लामा र नीजकी श्रीमती ३५ वर्षीय दिलमाया तामाङ, सोही जिल्ला बरहथवा नगरपालिका बस्ने अर्पणा कुमारी थापा र नीजकी ४ महिने छोरी रिवानी ठाकुर घाईते भएका हुन् । काठमाडौंबाट हेटौँडातर्फ आउँदै गरेको ना।१ ज ७५३५ नम्बरको सुमो टाटा सुमो दुर्घटना भएको हो । घाईतेहरु सबैको हेटौंडा अस्पतालमा उपचार भईरहेको र उनीहरुको अवस्था सामान्य रहेको प्रहरीले जनाएको छ ।
