काभ्रेमा पहिरोले घर भत्किँदा २ जनाको मृत्यु, ३ जना घाइते
काभ्रे । अविरल वर्षाका कारण घर भत्किँदा काभ्रेपलाञ्चोक जिल्लामा दुई जनाको ज्यान गएको छ । काभ्रेको बनेपा नगरपालिका–३ नालामा दुई जनाको मृत्यु भएको काभ्रे प्रहरीले जनाएको छ । घरमाथिबाट खसेको पहिरोले घर भत्कदा उनीहरुको ज्यान गएको प्रहरी उपरीक्षक एसपी जयराम सापकोटाले बताए । मृत्यु हुनेमा ५० वर्षीया गोमा दंगाल र नातिनी ७ वर्षीया सोहनी दंगाल रहेका छन् । घर भत्कदाँ अन्य तीन जना घाइते भएका छन् ।
