हेटौँडामा २ मा पसल चोरी गर्ने एकजना पक्राउ
हेटौँडा,२१ साउन । हेटौँडा उपमहानगरपालिका वडा नंबर २ मा रहेको एक पसल चोरी गरेको भन्दै प्रहरीले एकजनालाई नगद सहित पक्राउ गरेको छ । हेटौडा उप–महानगरपालिका वडा नम्बर २ कान्तिराजपथमा हरी प्रसाद खतिवडाको पसल चोरी गर्ने एक जनालाई प्रहरीले पक्राउ गरेको छ ।
खतिवडाले संचालन गरेको एच. पि सप्लायर्स बाट नगद र सरसामान समेत चोरी गर्ने मकवानपुर गढी गाउँपालिका वडा नं. ३ बस्ने बर्ष ३१ को श्याम थापा मगरलाई पक्राउ गरिएको जिल्ला प्रहरी कार्यालय मकवानपुरका प्रहरी नायब उपरिक्षक यज्ञ प्रसाद भटराईले जानकराी जानकारी दिए । थापाको साथबाट चोरी भएको १८ हजार ८ सय ४५ रुपैयाँ नगद समेत बरामद गरिएको उनको भनाई रहेको छ । प्रहरीले थापालाई हेटौँडा १० बसपार्कबाट पक्राउ गरेको हो ।
