सुनको भाउ ६९ हजार ५ सय पुग्यो
काठमाडौं– सुनको भाउ बढ्नेक्रम जारी रहेको छ । बुधबार सुनको भाउ तोलामा १५ सय बढेको छ । यससँगै सुन तोलाको ६९ हजार ५ सय रुपैयाँ कायम भएको छ । अन्तर्राष्ट्रिय बजारमा सुनको भाउ बढेसँगै नेपाली बजारमा त्यसको प्रभाव परेको व्यवसायीहरुको भनाइ छ । अन्तर्राष्ट्रिय बजारमा सुनको भाउ बुधबार प्रति औंस २७ डलर ५ सेन्ट बढेर १२ सय ८६ डलर ७० सेन्ट पुगेको छ ।
अन्तर्राष्ट्रिय अर्थतन्त्रमा देखिएको अस्थिरता, अमेरिकी राष्ट्रपति डोनाल्ड ट्रम्पको अर्थनीति, कश्मीर तनाव र स्थानीय मागथ कम भएका कारण नेपालमा सुनको भाउ लगातार बढिरहेको छ । व्यवसायी र अर्थशास्त्रीहरूका अनुसार हाल अन्तर्राष्ट्रिय बजारमा नै सुनको मूल्य बढिरहेकाले त्यसको असर नेपालमा पनि देखिएको हो। चीन र अमेरिकाबीचको व्यापार युद्धले अन्तर्राष्ट्रिय बजार अस्थिर बन्दा धेरै लगानीकर्ता सुनतर्फ आकर्षित भएको हुँदा मूल्य बढेको व्यवसायी र अर्थशास्त्रीको तर्क छ।
