यो साता देशभरको बिभिन्न ठाउमा पानी पर्ने
काठमाडौं- मनसुनको न्यून चापीय रेखा औसत स्थानमा छ र उत्तर तिर सर्ने क्रम अझै जारी रहेकाले देशका विभिन्न ठाउँमा पानी पर्ने सम्भावना रहेको जल तथा मौसम पूर्वानुमान महाशाखाले जनाएको छ ।
नेपालको पूर्वी र मध्य भू-भाग नजिक एउटा न्यून चापीय प्रणाली रहेको र यो प्रणाली पश्चिम तिर सर्ने क्रममा रहेको रहेको महाशाखाको भनाई छ। मनसुनको न्यून चापीय रेखाको औसत स्थान भन्नाले भारतको उत्तरी राजस्थान, हरयाना, दिल्ली, दक्षिण उत्तर-प्रदेश, दक्षिण बिहार, झारखण्ड र पश्चिम बंगाल हुँदै बंगालको खाडीको शिरसम्म जनाउँने भएकाले यसको प्रभाव नेपालमा पनि पर्ने गर्दछ।
महाशाखाका अनुसार देशको केही स्थानहरुमा आज (शुक्रबार) पनि मेघगर्जन रचट्याङ्ग सहितको वर्षा हुने सम्भावना छ । मेघगर्जन रचट्याङ्ग दुवै हुने सम्भावना रहेका कारण विशेष सतर्कता अपनाउन महाशाखाले अनुरोध पनि गरेको छ । देशको एक-दुई स्थानहरूमा भारी वर्षाको सम्भावना रहेकाले चुरेबाट बहने नदिमा पानिको वहावमा आकस्मिक बृद्दि हुन सक्ने भएकोले नदि आसपासमा रहनेहरु सतर्क रहुनु पर्ने महाशाखाले जनाएको छ । यसका साथै सडक यातायातमा पहिरो र भू- क्षयका कारण अवरोध आउन सक्ने भएकोले यात्रा गर्दा सामान्य सतर्कता अपनाउन अनुरोध गरिएको छ ।
महाशाखाका अनुसार साताको शुरु शुक्रवार, शनिबारलाई मानिन्छ । साताको मध्य भन्नाले आइतबार, सोमबार, मंगलबार तथा साताको अन्त्य भन्नाले बुधबार, बिहिबार बुझाउने भन्दै महाशाखाले देशको पूर्वी र मध्य भूभागहरुमा साताको शुरु र अन्त्यमा सामान्यदेखि पूर्ण बदलि र साताको मध्यमा आंसिकदेखि सामान्य बदलि रहने तथा पश्चिमि भूभागमा साताभरि नै आंसिक देखि सामान्य बदलि रहने सम्भावना रहेको जनाएको छ ।
त्यस्तै साताको शुरुमा धेरै स्थानहरुमा मेघ गर्जनसहित केहि स्थानहरुमा हल्कादेखि मध्यम वर्षाको सम्भावना छ । साताको अन्त्यमा मध्य र पूर्वी भूभागको केहि स्थानहरुमा हल्का देखि मध्यम वर्षा हुने महाशाखाको अनुमान छ । साताको शुरुमा देशको थोरै स्थानमा भारी वर्षाको सम्भावना रहेको छ । साताको अन्त्यमा मध्य र पूर्वी भूभागको स्थानहरुमा एक।र दुइ स्थानहरुमा भारी वर्षाको सम्भावना रहेको छ ।
