सुर्खेतको सुब्बाकुनामा थप ८ गाई मृत भेटियो
सुर्खेत । नेपालगञ्जबाट दैलेख लान लागिएका थप ८ वटा गाई मृत फेला परेका छन् । सुर्खेत वीरेन्द्रनगरको सुब्बाकुनामा पनि मृत गाई फेला परेका हुन् । वीरेन्द्रनगर नगरपालिकाका अनुगमन उपशाखाका प्रमुख यामलाल ढकाले थप आठवटा गाई मृत भेएिको पुुष्टी गरेका छन् ।
यसअघि सुर्खेतको वीरेन्द्रनगरको कटकुवामा २३ वटा गाइृ मृत भेटिएका थिए । नेपालगञ्जको कान्जीहाउसबाट ल्याइएका दुई सय ९१ गाई मध्ये सुब्बाकुनामा पनि ८ वटा मृत गाई फेला परेका हुन् । यसरी गाई सम्बन्धीत ठाउँमा नलिई बिच बाटोमै खसाएर मार्नु अमानविय व्यवहकार भएको भन्दै नागरिकहरुले चौतर्फी आक्रोस व्यक्त गरिरहेका छन् ।
यता, पाँच वटा ट्रक र त्यसका चालकलाई प्रहरीले नियन्त्रणमा लिएको छ । प्रहरीले चौपाया छोडेर बाँकेको नेपालगञ्जतर्फ फर्कँदै गरेका पाँच वटा ट्रक र चालकलाई बबईमा नियन्त्रणमा लिएको हो ।
यसअघि शहरी विकास मन्त्री मोहम्मद इस्तियाक राईले सुर्खेतको जंगलमा मृत भेटिएको घटनाले आफु स्तब्ध भएको बताउनु भएको थियो । मन्त्री राईले गाई मारिएको घटना बारे यथार्थ छानविन गरी दोषीलाई कडा कारवाही गर्न गृह मन्त्रालयलाई पत्राचार समेत गरेका छन् ।
