मकवानपुर जिल्ला लिग फुटबल आजबाट हुदै
हेटौँडा । जिल्ला तहको फुटबलको सबैभन्दा ठुलो तथा प्रतिष्ठित खेलको रुपमा रहेको जिल्ला लिग फुटबल प्रतियोगिता आजबाट हेटौँडामा सुरु हुँदैछ । वर्षातको कारण हिजो स्थागित भएको खेल आजबाट पुन सुचारु हुने भएको हो ।
आज हुने पहिलो खेलमा हेटौँडाको एफसी इन्टरनेट सिटि र परेली युवासमाजबिच हुप्रचौरमा हुनेछ । यो पटक जिल्ला लिग फुटबलमा विजेता हुने टिमले नगद १ लाख प्राप्त गर्ने मकवानपुर जिल्ला फुटबल संघका अध्यक्ष टिकाराम लामाले बताए ।
यो पटक लिगमा कुल ३१ वटा टोलीको सहभागिता रहेको छ । जिल्ला लिगलाई ब्यवसायी रवि श्रेष्ठले आफ्ना पिताको नाउँमा नगद २ लाख स्पोन्सर गरेपछि यो पटकको जिल्ला लिगको नाउँ “स्वर्गिय दानबहादुर स्मृति जिल्ला लिग फुटबल”हुने लामाको भनाई रहेको छ ।
जिल्ला लिगमा उपविजेताले ५० हजार प्राप्त गर्दा सर्वोत्कृष्ट खेलाडीलाई नगद १० हजार प्रदान गरिने छ भने विधागत उत्कृष्ट खेलाडीहरुलाई जनही ५ हजार प्रदान गरिने छ ।
