वीरगञ्जमा प्रहरीद्धारा गोली प्रहार गरी एक युवक पक्राउ
वीरगञ्ज – वीरगञ्जमा हतियार बोकेर हिँडिरहेका एक युवालाई प्रहरीले गोली प्रहार गरी पक्राउ गरेको छ । उनको साथबाठ पेस्तोल र गोली गठ्ठा बरामद भएको छ।
वीरगञ्ज– १३ राधेमाइमा चेकजाँच गर्ने क्रममा रामगढवाका २६ वर्षका सन्तोष दास तत्मालाइ पर्सा प्रहरीले पक्राउ गरेको हो ।
प्रहरी देखेपछि भाग्न खोजेका उनलाई पक्राउ गर्न गोली चलाउनु परेको पर्साका प्रहरी उपरीक्षक सोमेन्द्र सिंह राठोरले जानकारी दिए । प्रहरीले चलाएको गोली दासको खुट्टामा लागेको छ । उनको नारायणी अस्पतालमा उपचार भइरहेको छ ।
दासको साथबाट प्रहरीले म्याग्जीन सहितको टाईप ५४ मोडेलको जस्तो देखिने पेस्तोल १ थान सो मा प्रयोग हुने गोली १७ राउण्ड सेतो प्लाष्टिकमा रहेको खैरो रंगको धुलो जस्तो पदार्थ १७० ग्राम बरामद गरेको छ ।
पक्राउ परेका दास यस भन्दा पहिले कर्तव्य ज्यान मुद्दामा वीरगञ्ज कारागारमा कैद सजाय भुक्तान गरी छुटेका थिए ।
