बुटवल–पाल्पा सडक खण्डमा पहिरोले २ वटा जिप मा पुरियो, १ को मृत्यु
काठमाडौं– सिद्धार्थ राजमार्गअन्तर्गत बुटवल–पाल्पा सडक खण्डको सिद्धबाबा क्षेत्रमा गएको पहिरोमा २ वटा जिप पुरिएका छन् । प्रहरीका अनुसार लु १ ज २६१७ र लु १ ज ५९३८ नम्बरका २ वटा जिप पहिरोमा पुरिएका हुन् ।
सडक माथिबाट परेको पहिरोमा पुरिएर १ जनाको मृत्यु भएको छ । अन्य ४ जना घाइते भएका इलाका प्रहरी कार्यालय बुटवलले जनाएको छ ।
प्रहरीका अनुसार मृत्यु हुने व्यक्तिमा कमल परियार छन् । उनी पहिरोमा पुरिएका जिपका चालक रहेका जनाइएको छ ।
पहिरोमा पुरिएर घाइते भएका अन्य ४ जनाको भने नाम खुलेको छैन ।
