अरुण नदीमा जीप खस्दा ६ जना बेपत्ता
संखुवासभा– संखुवासभाको खाँदबारीबाट बिरामी लिएर धरान जाँदै गरेकोे बोलेरो अक्करको भीरबाट अरुण नदीमा खस्दा ६ जना बेपत्ता भएका छन् ।
धर्मदेवी नगरपालिकाको अक्करको भीरबाट को १ ज ३७४९ नम्बरको बोलेरो जीप गएराति अरुण नदीमा खसेको जिल्ला प्रहरी कार्यालय संखुवासभाले जनाएको छ ।
जीपका चालक सन्तोष विकसहित खाँदबारी–९, का प्रमेश थापामगर र उनकी भाउजु कल्पना थापामगर बिरामी दुई महिनाको समिर श्रेष्ठ, उनका बुबाआमा संगम श्रेष्ठ र सदीक्षा श्रेष्ठ बेपत्ता भएको जिल्ला प्रहरीले जनाएको छ ।
बिरामीको खाँदबारीमा उपचार हुन नसकेछि थप उपचारका लागि उनलाई बीपी मेमोरियल स्वास्थ्य विज्ञान प्रतिष्ठान धरान लैजादै गर्दा जीप अक्करको भीरबाट अरुण नदीमा खसेको हो । दुर्घटनामा बेपत्ताहरुको खाजी जारी रहेको प्रहरीले जनाएको छ ।
लगातार परिरहेको पानीका कारण अरुण नदीको बहाब पनि बढ्दै गएको र खोजीमा कठिनाई भइरहेको प्रहरीले जनाएको छ ।
