हेटौँडामा टोल विकास संस्था स्तरीय फुटबल प्रतियोगिता हुदै
मकवानपुर। मकवानपुरको हेटौँडा उपमहानगरपालिका वडा नं. ९ मा असोज ७ गते अर्थात भोलीमंगलबार टोल विकास संस्था स्तरीय सेभेन.ए. साईट फुटबल प्रतियोगिता संचालन हुने भएको छ ।
नजिकिँदै गरेको चार्ड विजया दशमी, शुभ दिपावली र छठ पर्वलाई लक्षित गर्दै मकवानपुर बेरोजगार युवा संगठन र टोलविकास संस्था वडा समन्वय समितिको संयुक्त आयोजनामा तथा वडा नं. ९ को सह–आयोजनामा फुलबल प्रतियोगिता संचालन गर्न लागेको बेरोजगार युवा संघ मकवानपुरका अध्यक्ष सुरेश बेरोजगारले जानकारी दिए ।
२५ वटा टिम सहभागी हुने उक्त खेलको उद्घाटन खेलमा धर्मपथ वंगलवामुखी र शान्ति चोक ए बीच खेल हुने आयोजकले जनाएको छ ।
प्रतियोगिताको बिजेता र उपबिजेताले क्रमशः नगद २५ हजार र १५ हजार रुपैयाँ प्राप्त गर्नेछ । हेटौँडा उपमहानगरपालिकाका मेयर हरिबहादुर महतले भोली दिउँसो १ बजे खेलको उद्घाटन गर्ने आयोजकले जनाएको छ ।
