विप्लवको ‘अड्डा’बाट ठूलो मात्रामा विस्फोटक पदार्थ बरामद
झापा– प्रहरीले नेत्रबिक्रम चन्द (विप्लव) नेतृत्वको प्रतिबन्धित नेकपाले लुकाएर राखेको विस्फोटक पदार्थ बरामद गरिएको जनाएको छ ।
जिल्ला प्रहरी कार्यालय झापा र इलाका प्रहरी कार्यालय अनारमनी समेतको टोलीले झापाको अर्जुनधारा नगरपालिका–१ मा एउटा घरमा लुकाएर राखिएको अवस्थामा ठूलो मात्रामा विस्फोटक पदार्थ बरामद गरेको जनाइएको छ ।
अर्जुनधारा नगरपालिका–१ शान्तिटोलका ६० वर्षीय लेखनाथ मिश्रको घरमा भण्डारण गरेर राखिएको अवस्थामा करिब २५ किलो विस्फोटक पदार्थ (हाइ एक्सप्लोसिभ एनईओ जेल–९०) बरामद भएको प्रहरी स्रोतले जनाएको छ ।
गत भदौ ३० गते विप्लव समूहका झापा जिल्ला सेक्रेटरी प्रविण मिश्रसहित ३ जना पक्राउ परेपछि उक्त विस्फोटक पदार्थ पत्ता लागेको प्रहरीले जनाएको छ ।
विप्लवका झापा जिल्ला सेक्रेटरी प्रविणले भारतबाट किरा मार्ने औषधि ल्याएको भन्दै आफ्ना नातेदार लेखनाथ मिश्रको घरमा राखेर गएका थिए ।
किरा मार्ने औषधि भनिएको पदार्थ राखेर गएको लामो समयसम्म पनि प्रविणहरु नआएपछि लेखनाथको पदार्थले उक्त पदार्थ केही दिन अगाडि मात्रै घर अगाडिको बारीमा खाल्डो खनेर गाडेको थियो ।
