साग – २० स्वर्णसहित नेपाल अग्रस्थानमा
काठमाडौं – काठमाडौं, पोखरा र जनकपुरमा जारी १३ औं दक्षिण एसियाली खेलकुद (साग) मा नेपालले २० स्वर्ण पदक जितेको छ । मंगलबार बिहान साढे १२ः२० बजेसम्म नेपालले २० स्वर्ण हात पारेको हो ।
सोमबार बेलुकीसम्म कराते र तेक्वान्दोबाट १४ स्वर्ण हात पारेको थियो भने ट्रायथलनमा एक गरि जम्मा १५ स्वर्ण जितेको थियो । तर, १६ औं स्वर्णका रुपमा उसुका विजय सिञ्जालीले स्वर्ण जिते ।
१७ औं उसुकै सुस्मिता तामाङले हात पारिन् भने १८ औं स्वर्ण हिमाल टमटा र १९ औं स्वर्ण नविन रसाईलीले जितेका हुन् । त्यस्तै २० औं स्वर्ण सन्तोषी श्रेष्ठले हात पारेकी हुन् । उनले १० हजार मिटरको दौडमा स्वर्ण प्राप्त गरिन् ।
नेपालले अहिलेसम्म २० स्वर्ण पदक हात पारेको छ ।
