दुर्घटनामा परेका नेकपा मालेका महासचिव सिपी मैनालीको स्वास्थ्यमा सुधार
काठमाडौं – सवारी दुर्घटनामा परी घाइते भएका नेकपा मालेका महासचिव सिपी मैनालीको स्वास्थ्यमा सुधार आएको छ । उनको स्वास्थय अवस्था खतरामुक्त रहेको अस्पताल स्रोतले जानकारी दियो ।
राजधानीको ग्राण्डी अस्पतालमा उपचाररत मैनालीको शरीको भित्री भागमा चोट नभएको जानकारी चिकित्सले गराएका छन् । मैनालीको प्रारम्भिक स्वास्थ्य परीक्षण रिपोर्ट सामान्य देखिएको र उनी अहिले सामान्य रुपमा बोलचाल गरिरहेका छन् ।
महोत्तरीको बर्दिबासमा सवारी दुर्घटनामा गरी गम्भीर घाइते भएपछि मैनालीसहित घाइतेलाई थप उपचारका लागि हेलिकोप्टर मार्फत काठमाडौं ल्याइएको थियो ।
बिहीबार दिउँसो झापाबाट काठमाडौं जाँदै गरेको बा ७ च २१२० नम्बरको कारलाई पृथ्वी राजमार्ग अन्तर्गत महोत्तरीको बर्दिबासमा विपरीत दिशाबाट आउँदै गरेको ना ४ च ७६६८ नम्बरको पिकअप भ्यानले ठक्कर दिएको थियो ।
दुर्घटनामा मैनालीका छोरा सरोज मैनाली, बुहारी पूजा मैनाली, नाति पीएन मैनाली र चालक रामप्रसाद पौडेल पनि घाइते भएका छन् ।
