प्रधानमन्त्रीको स्वास्थ्य सुधारिदै , चिया खुवाइयो
काठमाडौं– प्रधानमन्त्री केपी शर्मा ओलीको स्वास्थ्यमा क्रमिक सुधार देखिएको छ ।
बुधवार (हिजो) मिर्गौलाको प्रत्यारोपण गरिएका प्रधानमन्त्री ओलीको स्वास्थ्यमा क्रमिक सुधार हुँदै गएको चिकित्सकहरुले बताएका हुन् ।
उनको अवस्थामा सुधार आएको र बोल्न सक्ने अवस्थामा रहेको चिकित्सकहरुको भनाइ छ ।
प्रधानमन्त्री ओलीलाई आज विहान चिया खुवाइएको एक जना चिकित्सकले जानकारी दिए ।
सामान्य छ अप्रेसन पछि हुने अवस्थामा नर्मन हुँदै गएको छ,पोस्ट अप्रेटिभमा हुनुपर्ने, जे जे खुवाउने सबै भइरहेको छ’ पहिलो दिनमा जे जे खुवाउने इन्जेक्सन खुवाउने सबै काम नियमित रुपमा भइरहेको छ’ टिचिङ अस्पतालका निर्देशक प्रेमकृष्ण खड्गाले बताए ।
प्रधानमन्त्रीको स्वास्थ्य अवस्थामा बुझ्न उपप्रधान एवं रक्षा मन्त्री ईश्वर पोखरेल पुगेका थिए ।
‘प्रधानमन्त्रीको स्वास्थ्यमा क्रमिक रुपमा सुधार भएको र उहाँले चिया खानु भएको चिकित्सहरुले बताउनु भयो’ उनले भने ।
