नारायणी अस्पतालबाट दुई जना कोरोना संक्रमित फरार
वैशाख ३१, वीरगन्ज । नारायणी अस्पतालको आइसोलेसन वार्डमा भर्ना भएका दुईजना कोभिड संक्रमित बुधबार दिउँसो फरार भएका छन् । शौचालय गएका दुवैजना फरार भागेका हुन् । दुबैजनामा मंगलबार कोभिड १९ संक्रमण पुष्टि भएको थियो ।
पर्साका प्रहरी उपरीक्षक गंगा पन्तले अस्पतालको आइसोलेसनबाट दुईजना फरार भएको र उनीहरुको खोजी कार्य भइरहेको बताइन् । अस्पताल स्रोतका अनुसार सर्जिकल वार्डमा बनाइएको आइसोलेसन वार्डको शौचालयबाट दुवै संक्रमित फरार भएका हुन् ।
मंगलबार पर्सामा ५७ जनामा कोरोना पुष्टि भएको थियो ।
