श्रद्धा र सारापछि दीपिका पनि तानिइन् ड्रग्स केसमा , सोधपुछको गर्दै एनसीबी
काठमाडौं। बलिउड अभिनेता सुशान्त सिंह राजपूतको निधन प्रकरणमा जोडिएकी अभिनेत्री रिया चक्रवर्ती पछिल्लो समय सामाजिक सञ्जालमा निकै छाएकी छिन् ।
सुशान्तको निधन प्रकरणमा अनुसन्धान गर्ने क्रममा रियाको ड्रग्स डिलरहरुसँग सम्बन्ध रहेको खुलेपछि नारकोटिक्स कन्ट्रोल ब्यूरो एनसिबीले ड्रग्स केस अनुसन्धान तिव्र पारेको छ । अहिले यस ड्रग्स केसमा बलिउडका सेलिब्रेटीहरु पनि फस्न थालेका छन् ।
ड्रग्स केसमा एकपछि अर्को सेलिब्रेटीहरुको नाम आइरहेको छ । भारतिय मिडियाका अनुसार एनसीबीले जाँच गर्ने क्रममा यस केसमा दीपिका पादुकोणको पनि संलग्नता रहेको देखिएको छ ।
केही दिनअघि ड्रग्स केसमा श्रद्धा कपूर, रकुल प्रीत सिंह र सारा अली खानको नाम पनि जोडिएको थियो । भारतिय मिडियाका अनुसार बलिउड ड्रग्स च्याटमार्फत दीपिका यस केसमा जोडिएको बताइएको छ ।
दीपिकाले यस च्याटमा करिश्मा नाम गरेकी युवतीलाई ड्रग्स अर्डर गरेको देखिएको बतायएको छ । यस घटना अनुसन्धान गरिरहेको एनसीबीले दीपिकाको म्यानेजर करिश्मा प्रकाशलाई अहिले सोधपुछ गरिरहेको छ ।
यस केसमा आफ्नो नाम मुछिएपछि दीपिकाले कानुनी परामर्श गर्ने तयारी गरेकी छिन् भने एनसीबीले पनि दीपिकालाई आउँदो हप्ता सोधपुछको लागि पत्र पठाउने तयारी गरेको भारतिय मिडियामा बताइएको छ ।
त्यस्तै सारा, रकुल र श्रद्धालाई पनि आजभोलीमा नै एनसीबीले सोधपुछको लागि पत्र पठाउन सक्ने बताइएको छ ।
